Ака уйăхĕн 25-мĕшĕ - Чăваш чĕлхи кунĕ. Çак кун ячĕпе пуçламăш класра вĕренекенсемпе Александрова И.В. "Чăвашсене çутта кăларнă сумлă педагог И. Я.Яковлев" темăпа класс сехечĕ ирттерчĕ. Ирина Владимировна ачасене И.Я.Яковлев уçнă Чĕмпĕрти чăваш шкулĕ пирĕн халăхшăн питĕ пысăк пĕлтерĕшлĕ пулни çинчен каласа пачĕ. И.Я.Яковлев çамрăклах чăваш халăхне çутта кăларассишĕн тăрăшнă. Вăл шкулсем уçнă, чăвашсен пĕрремĕш алфавитне тунă, « Чăваш букварьне» кăларнă, букварь валли хăйех калавсем те çырнă.